இது சிம்ம ராசியினருக்கு மட்டும்… ஆதி முதல் அந்தம் வரை…மற்றவர்களும் இவர்களை பற்றி தெரிந்துகொள்ளுங்கள்

0
254

சிம்ம ராசி வாழ்க்கையை விட பெரியவர்கள். அவர்களுடைய தோற்றம், ஆளுமை இயல்பு, அவர்களுடைய தன்னம்பிக்கை என எதிலும் குறை கூற முடியாது. சிம்ம ராசிக்காரர்கள் எங்கு சென்றாலும் மற்றவர்களின் கவனத்தை ஈர்க்கத் தவற மாட்டார்கள். வாழ்க்கையின் ஒவ்வொரு நொடியையும் ரசித்து மகிழ்வார்கள். அவர்களுக்கு சங்கடமான தருணங்களை தாங்கிக் கொள்ளும் ஆற்றல் கிடையாது. தோல்வி என்கிற வார்த்தை அவர்களுக்கு அந்நியமானது. அவர்களால் முடியும் என்கிற நம்பிக்கையில் எதை வேண்டுமானாலும் செய்வார்கள், மற்றவர்கள் என்ன நினைப்பார்கள் என்பதைப் பற்றி சட்டை செய்ய மாட்டார்கள்.

சிம்ம ராசியின் தாராள மனப்பான்மை அவர்களை சிறந்த காதலர்களாக்குகிறது. இவர்கள் குறிப்பாக படுக்கையறையில் மிகவும் சாமர்த்தியமானவர்கள். எல்லா நேரங்களிலும் தங்களை கம்பீரமாகக் காட்டிக் கொண்டாலும் சிம்ம ராசிக்காரர்கள் பகட்டானவர்கள் அல்ல.

அவர்கள் மீது ஆர்வம் கொண்ட எல்லோருடைய துணையையும் ஏற்றுக் கொள்கிறார்கள். இருந்தாலும் சிம்ம ராசிக்காரர்களை ஒருமுறை ஏமாற்றிவிட்டால், அவர்களுடைய நம்பிக்கையை திரும்பப் பெறுவதற்கு கடினமாக உழைக்க வேண்டும். சிம்ம ராசிக்காரர்களை உண்மையாக விரும்ப வேண்டுமென்கிற நல்ல நோக்கம் கொண்டவர்களுக்கு, நீங்கள் ஏன் சிம்ம ராசியை காதலிக்க வேண்டும் என்பதற்கான 7 காரணங்களை இங்கே காணலாம்.

சிம்ம ராசிக்காரர்கள் கூட்டத்தை பார்த்தோ புதிய நபர்களைப் பார்த்தோ கூச்சப்பட மாட்டார்கள். அவர்களுடைய ஒவ்வொரு மயிர்க்கால்களிலிருந்தும் ஆளுமை வழியும், மற்றவர்களை அடக்கும் விதத்தில் இருப்பார்கள். ஒரு கூட்டத்தில் இருக்கும் போது தாங்கள் ஆற்றல் வாய்ந்தவர்களாக இருப்பது சிம்ம ராசிக்காரர்களுக்கு நன்றாக தெரியும்.

அவர்கள் சங்கடங்களுக்கு ஆளாவோம் என்று பயப்படுவதில்லை அதே போல முற்றிலும் தெரியாத நபர்களிடம் பேசும் போது கூட கூச்சப்படுவதில்லை. மிகவும் கண்டிப்பான மனிதர்களுடன் கூட உரையாடுவார்கள், ஒரு பெரிய கூட்டத்தில் கூட ஒற்றை மனிதராக நின்று மிக எளிதாக நேர்ததியாக தாக்குவார்கள். சிம்ம ராசிக்காரர்களின் தைரியத்தை யாராலும் பாராட்டாமல் இருக்க முடியாது.

சிம்ம ராசிக்காரர்களுக்கு அவர்களுக்கு வேண்டியதை எல்லாம் எப்படி பெற வேண்டுமென்று தெரியும். அவர்களுக்கு தேவையானதைக் கேட்டுப் பெறுவதற்கு தயங்க மாட்டார்கள். வானத்தை அடைய நினைத்தாலும் தங்கள் இலட்சியத்தை அடைந்தே தீருவார்கள். உயர்ந்த விஷயங்களுக்கு ஆசைப்படுவார்கள்.

தோல்வி என்பது அவர்களுடைய அகராதியில் இல்லாத விஷயமாக இருக்கும். அவர்களிடம் இருப்பது ஏராளமான தன்னம்பிக்கை, அந்த தன்னம்பிக்கையே தடைகளை தகர்த்து முன்னேற அவர்களுக்கு உதவியாக இருக்கும். தோல்விகள் அவர்களை துவளச் செய்ய விட மாட்டார்கள். தன்னைத் தானே அடிக்கடி வருத்திக் கொண்டாலும் அவர்களுடைய துணிச்சல் அவர்களை கனவுகளை அடைய தொடர்ந்து முயற்சி செய்ய அனுமதிக்கிறது.

சிம்ம ராசிக்காரர்கள் எதிர்காலத்தை நோக்கி முன்னோக்கி பயணிக்க விரும்புவார்கள். கடந்த காலத்தில் இவர்கள் தேங்கி நிற்பதில்லை. இவர்கள் பொதுவாக கடந்த கால விஷயங்களை விவாதிக்க விரும்புவதில்லை, ஏனென்றால் எதிர்காலத்தை நோக்கி பயணிக்கவே விரும்புவர். சிம்ம ராசிக்காரர்களுடன் வாழ்வது உங்களை ஆக்கப்பூர்வமானவராக மாற்றும். மகிழ்ச்சியான நிறைவான வாழ்க்கையாக இருக்கும்.

சிம்ம ராசிக்காரர்கள் எதைச் செய்தாலும் தன்னம்பிக்கையோடு செய்வார்கள். மற்றவர்கள் உங்களைப் பற்றி என்ன சொன்னாலும் அதைப்பற்றியெல்லாம் கவலைப்படாமல் இறுதி வரை உங்களிடம் ஒரே மாதிரியான விசுவாசத்துடன் இருப்பார்கள்.

உங்களுக்கு சிம்ம ராசிக்காரர் காதலராக கிடைத்தால் உங்கள் வாழ்நாளுக்கான காதல் கிடைத்து விட்டதென்றே அர்த்தம். அவர்கள் என்றென்றும் எல்லாவற்றிற்காகவும் உங்களுக்காக சண்டை போடுவார்கள், பாதுகாப்பாக இருப்பார்கள். உங்கள் ரசனைகள் மற்றும் உணர்வுகளையும் மதிப்பார்கள்.

சிம்ம ராசிக்காரர்களுக்கு எப்படி நிறுத்துவது என்று தெரியாது. அந்த அளவிற்கு அவர்களுக்கு ஆவல் அதிகமாக இருக்கும். எந்தத் தடைகள் வந்தாலும் சட்டை செய்யாமல் அவர்களுடைய எல்லா இலட்சியங்களையும் நிறைவேற்ற பாடுபடுவார்கள்.

சிம்ம ராசிக்காரர்கள் உறுதியானவர்கள். சவால்கள் அவர்களுக்கு மேலும் அதிக வலிமையை தரும். அவர்கள் கண்ணிமைக்காமல் அதிக வலிமையுடன் தங்கள் இலட்சியத்தை நோக்கி நடை போடுவார்கள்.

சிம்ம ராசிக்காரர்களுக்கு காதலில் அவர்களுக்கு என்ன வேண்டுமென்று தெரியும். அவர்கள் உங்களுக்கு இன்பம் கொடுக்க வேண்டுமென்று முடிவு செய்து விட்டால் வாரி வழங்குவார்கள்.

சிம்ம ராசிக்காரர்கள் சுயநலமற்ற காதலர்கள், அதிலும் படுக்கையறையில் உங்களை திருப்திபடுத்துவதை அவர்களுடைய பெருமிதமாக எடுத்துக் கொண்டு அவர்களால் முடிந்தவரை சிறப்பாக செயல்படுவார்கள். ஏனென்றால் வாழ்க்கை துணைவருக்காக சிறந்த விஷயங்களை முழுமையாக செய்வது அவர்களுடைய சுபாவம்.

சிம்ம ராசிக்காரர்கள் எங்கே சென்றாலும் அதிகாரத்தை வெளிப்படுத்துவார்கள். அவர்கள் சூழல்களைக் கட்டுப்படுத்தும் திறன் கொண்டவர்கள் என்பதால் இயற்கையாகவே மக்கள் அவர்களுடைய தலைமையை ஏற்றுக் கொள்வார்கள். சிங்கத்தின் ஆற்றலும் தைரியமும் கொண்ட இவர்கள், மக்களின் நம்பிக்கையை தன் பக்கம் எளிதாக ஈர்த்து விடுவார்கள்.

சிம்ம ராசிக்காரர்கள் பொறுப்புக்களை விரும்பி ஏற்றுக் கொள்வார்கள். தலைமை ஏற்க பின்வாங்க மாட்டார்கள். சிம்ம ராசிக்காரர்கள் இரண்டாம் யோசனை இல்லாமல் பலவீனமானவர்களுக்காக ஆதரவு கொடுப்பார்கள். நீங்கள் மன அழுத்தத்தில் இருக்கும் போதெல்லாம் வழிகாட்டுவார்கள்.

சிம்ம ராசிக்காரர்களின் இயற்கையான தலைமைப் பண்பு அவர்களுக்கு ஒரு அதிகார வட்டத்தை உருவாக்கும். எனவே அவர்களுக்கு அருகில் இருக்கும் போது நீங்கள் வேடிக்கை பார்ப்பதை தவிர வேறு எந்த விதத்திலும் அவர்களை கட்டுப்படுத்த முடியாது. அவர்கள் இருக்கும் இடத்தில் மற்றவர்களின் பங்கு இரண்டாம் பட்சம் தான்.

சிம்ம ராசிக்காரர்களை நீங்கள் கட்டுப்படுத்தினால் தான் விரும்ப மாட்டார்களே தவிர, உங்கள் கருத்துக்களை கவனமாக கேட்பார்கள், உங்களை சந்தோஷப்படுத்தும் விஷயங்களை செய்வார்கள்.