உங்கள் கணவர் தீய வழியில் செல்பவரா..? அவரை திருத்த அற்புதமான வழி இதோ…

0
49

பலருக்கு திருமண வாழ்வு அமைவதே பல நாள் கனவாக இருக்கும். பல பெற்றோர்கள் தங்களின் பிள்ளைகளுக்கு சரியான வரன் அமையவில்லையே என மன வருத்தத்தில் இருப்பது உண்டு.

அப்படி திருமணமான பல தம்பதிகள் மிக சிறப்பான நல்வாழ்வு வாழ்கின்றனர். அவர்களுக்கு நல்ல முறையில் குழந்தைகள் பிறந்தும். பல்வேறு மகிழ்ச்சியான தருணங்கள் அமைவது உண்டு.

ஆனால் இது போன்ற மிக மகிழ்ச்சியான நல்வாழ்வு அனைவருக்கும் அமைந்துவிடுவதில்லை. சில தம்பதிகளிடையே மனப் பொருத்தம் இல்லாமல் இருக்கக்கூடும்.

ஆனால் சில குடும்பங்களில் ஓரளவு நல்ல மகிழ்ச்சியான வாழ்வு இருந்தாலும், கணவன் தீய வழியில் செல்லக்கூடிய நிலை இருக்கும். அதாவது கணவன் குடி, புகை, போதைப் பழக்கம், கேளிக்கை, மலட்டுத்தன்மை, தகாத உறவில் ஈடுபட்டிருக்கும் நிலை இருக்கும். அதோடு மனைவியை வதைக்கும் நிலை இருக்கும்.

இது போன்று தீய வழியில் சென்று கொண்டிருக்கும் கணவனை திருந்தி நல்வாழ்வு வாழ்ந்திட மனைவி செய்ய வேண்டியது பரிகாரம் இங்கு பார்ப்போம்.

ஞாயிற்றுக் கிழமை அன்று இராகு கால நேரமான மாலை 4.30 மணி முதல் 6 மணிக்குள் ஸ்ரீ சரபேஸ்வரருக்கு அபிஷேக ஆரதனை அதுவும், பாலபிஷேகம் செய்து வழிபடுவதும், பால் பாயசம் பிரசாதமாக படைத்து ஏழை, எளியோருக்கு கொடுத்து வர கணவனின் தீயப்பழக்கங்களும், மூர்க்கத்தனத்திலிருந்து விடுபடுவார். நல்வாழ்வு வாழும் மன நிலைக்கு திரும்புவார்.

சரபா அல்லது சரபம் என்று இந்து புராணங்களில் குறிப்பிடப்படுகிறது. சரபேஸ்வரர் ஒரு பகுதி சிங்கமாகவும், ஒரு பகுதி பயங்கர பறவையாகவும் உள்ள ஓர் விலங்கு.

சில சமஸ்கிருத இலக்கியங்களில் எட்டு கால்களுடன் சிங்கம், யானைகளைக் கொல்லக் கூடிய வலுவான மிருகமாக கூறப்படுகிறது.

எட்டுக் கால்களைக் கொண்டதாக சிங்கத்தை கொல்வதைப் போல சித்தரிக்கப்படுகிறது. தமிழ் இலக்கியங்களில் இது சிம்புள் எனவும், நான்கு காலும், பறக்க இறகுகள் கொண்டுள்ளது போல சிறப்பங்கள் காணப்படுகிறது.

திருமால் நரசிம்ம அவதாரம் எடுத்து இரணியனை வதைத்தார். அதன் செருக்கால் இந்த உலகத்தை அழிக்கலானார். இதனால் தேவர்கள் சிவபெருமானிடம் முறையிட்டனர். நரசிம்மனின் செருக்கை அடக்க சிவன் சரபம் எனும் பறவை வடிவில் அவதரித்து கொட்டத்தை அடக்கினார்.

சிவாலயங்களில் பெரும்பாலும் சர்பேஸ்வர் இருப்பார். உதாரணமாக சென்னை -கோயம்பேட்டில் உள்ள சிவாலயத்தில் முன் மண்டபம்.

சென்னை காம்ப் ரோட் அருகில் உள்ள மாடம்பாக்கம் ஸ்ரீ தேனுபுரீஸ்வரர் ஆலயத்தில் உள்ளார்.
திருபுவனத்தில் உள்ள ஸ்ரீகம்பஹரேஸ்வரர் ஆலயம்.

திருவண்ணாமலை அம்பிகை முன் மண்டபத்தில் அவரின் அவதாரத்தைப் பார்க்கலாம்.