தனியார் பேருந்து போக்குவரத்தினை வடக்கு மாகாணத்தின் மாவட்டங்களுக்குள்ளேயே மட்டுப்படுத்த தீர்மானம்!

0
19

வடக்கு மாகாணத்தின் ஐந்து மாவட்டங்களையும் சேர்ந்த தனியார் போக்குவரத்துக்களை மாவட்டங்களுக்குள்ளேயே மட்டுப்படுத்தி மக்களுக்கு சேவை வழங்குவதற்கு மாகாண பேருந்து உரிமையாளர்கள் சங்கங்கங்களின் ஒன்றியம் தீர்மானம் நிறைவேற்றியிருக்கின்றது.

பொதுப்போக்குவரத்தினால் கொரோனாத் தொற்று பரவுவதை கட்டுப்படுத்துவதை நோக்கமாகக் கொண்டே குறித்த தீர்மானம் நிறைவேற்றப்பட்டதாக கிளிநொச்சி மாவட்ட பேருந்துஉரிமையாளர்கள் சங்கத்தின் தவைர் நா.நகுலராஜா தெரிவித்துள்ளார்.

யாழ்ப்பாணம், கிளிநொச்சி, முல்லைத்தீவு, வவுனியா, மன்னார் மாவட்ட தனியார் போக்குவரத்து உரிமையாளர்கள் சங்கத்தினர் இணைந்து குறித்த தீர்மானத்தினை எடுத்துள்ளோம். இருந்த போதிலும் வெளி மாகாணங்களிலிருந்து போக்குவரத்துக்களை நிறுத்துவதற்கு அந்த அந்த மாவட்டங்களின் தனியார் பேருந்து உரிமையாளர்களும் நடவடிக்கை எடுத்தால் மட்டுமே பொதுப் போக்குவரத்தின் ஊடாக கொரோனாவை கட்டுப்படுத்த முடியும் என்றும் அவர் தெரிவித்துள்ளார்.

இதேவேளை,அரச பேருந்துகளும் வெளி மாகாணங்களுக்கு இடையிலான போக்குவரத்துக்களை மட்டுப்படுத்தியுள்ள நிலையில் ,இனிவரும் காலங்களில் மாவட்டங்களுக்கு இடையில் மட்டும் மட்டுப்படுத்தப்பட்ட சேவையினை வழங்குவதற்கு அவர்களும் பேச்சுக்களில் ஈடுபட்டு வருவதாகவும் அவர் தெரிவித்துள்ளார்.