யாழ் பேருந்து நிலையம் முன்பாக கறுப்பு பட்டியணிந்து கவனயீர்ப்பு போராட்டம்!

0
5
50 / 100

காணாமல் ஆக்கப்பட்டோருக்கு நீதி கோரி, காணாமல் ஆக்கப்பட்டோரின் உறவுகள் யாழ் பேருந்து நிலையம் முன்பாக கறுப்பு பட்டியணிந்து கவனயீர்ப்பு போராட்டத்தில் இன்று ஈடுபட்டனர்.

சுதந்திர தினமான இன்று வடக்கு – கிழக்கில் காணாமல் ஆக்கப்பட்டோருக்கு நீதி கேட்டு உறவினர்களால் கரிநாள் கடைப்பிடிக்கப்படுகிறது.

இதன்படி யாழ்ப்பாணம் மாநகர் மத்திய பேருந்து நிலையம் முன்பாக காணாமல் ஆக்கப்பட்டோரின் உறவினர்களால் கறுப்புப்பட்டி போராட்டம் முன்னெடுக்கப்படுகிறது.

போராட்ட இடத்துக்கு வருகை தந்த யாழ்ப்பாணம் பொலிஸார் நீதிமன்றத் தடை உத்தரவை வாசித்துக் காண்பித்தனர்.

எனினும் நீதிமன்றக் கட்டளையில் பெயர் குறிப்பிடப்பட்ட எவரும் ஆர்ப்பாட்டத்தில் இல்லாமையால் காணாமல் ஆக்கப்பட்டோரின் உறவினர்கள் பொலிஸாரின் அறிவுறுத்தலை ஏற்க மறுத்தனர்.

போராட்டத்தைத் தடுக்க பொலிஸார் கடும் முயற்சிகளை மேற்கொண்ட போதிலும், உறவுகள் தமது போராட்டத்தை தொடர்கின்றனர்.