இலங்கையில் பிரிட்டன் தூதரகத்துக்கு முன்னால் ஆர்ப்பாட்டம்…

0
4
11 / 100

இலங்கை தொடர்பாக ஐக்கிய நாடுகள் சபையில் பிரிட்டன் முன்னெடுத்து வரும் செயற்பாடுகளுக்கு எதிராக கொழும்பிலுள்ள பிரிட்டன் தூதரகத்துக்கு முன்னால் இன்று ஆர்ப்பாட்டமொன்று மேற்கொள்ளப்பட்டுள்ளது.

இந்த ஆர்ப்பாட்டத்தை மக்கள் பொறுப்பு மையத்தின் உறுப்பினர்கள் ஏற்பாடு செய்துள்ளனர்.

பிரிட்டன் அரசாங்கம் இலங்கை மீது மனித உரிமைகள் மற்றும் பொருளாதார தடைகளை விதிக்க முயற்சித்து வருகின்றதாகவும் ஆர்ப்பாட்டத்தில் ஈடுபட்டவர்கள் குற்றம்சாட்டியுள்ளனர்.

ஐநா மனித உரிமைகள் பேரவையில் இலங்கை மீது புதிய தீர்மானமொன்றை நிறைவேற்றும் முயற்சியில் பிரிட்டன் ஈடுபட்டு வருகின்ற நிலையில், அதற்கு எதிராகவே இந்த ஆர்ப்பாட்டம் மேற்கொள்ளப்பட்டுள்ளது.

இந்த ஆர்ப்பாட்டத்துக்கு ஆளும் கட்சி பாராளுமன்ற உறுப்பினர் பிரேம்நாத் சி. தொலவத்த மற்றும் பௌத்த தேரர்கள் தலைமை தாங்கியுள்ளனர்.

இதன்போது இலங்கையின் உள்ளக விவகாரங்களில் பிரிட்டன் தேவையற்ற விதத்தில் செல்வாக்குச் செலுத்த முயற்சிக்கின்றதாகவும் ஆர்ப்பாட்டக்காரர்கள் தெரிவித்துள்ளனர்.

மேலும் இந்த ஆர்ப்பாட்டத்தில் இலங்கையின் யுத்தத்தில் காணாமல் போன, உயிரிழந்த இராணுவத்தினரின் உறவினர்கள் சிலரும் கலந்துகொண்டுள்ளனர்.