ஆமாவா? இல்லையா?, வந்திச்சா? வரலையா? – இதுல எதுதா உண்மை?

0
140

வனிதா விஜயகுமாருக்கும், பீட்டர் பாலுக்கும் நடந்த திருமணம் குறித்து நடிகையும், இயக்குநருமான லக்ஷ்மி ராமகிருஷ்ணன் ட்விட்டரில் விமர்சனம் செய்தார். இதை பார்த்த வனிதா அவரை விளாச, மன்னிப்பு கேட்டதுடன் தான் போட்ட ட்வீட்டுகளையும் நீக்கினார் லக்ஷ்மி ராமகிருஷ்ணன். இதையடுத்து வனிதாவும், லக்ஷ்மி ராமகிருஷ்ணனும் சேர்ந்து பேட்டி கொடுத்தார்கள்.

அந்த பேட்டியில் வனிதா லக்ஷ்மி ராமகிருஷ்ணனை மரியாதை இல்லாமல் வாடி, போடி என்று திட்டினார். மேலும் அவரின் தனிப்பட்ட வாழ்க்கையை எக்ஸ்போஸ் செய்யப் போவதாக கூறினார். இதையடுத்து லக்ஷ்மி ராமகிருஷ்ணன் வனிதாவுக்கு வக்கீல் நோட்டீஸ் அனுப்பி வைத்தார்.

லக்ஷ்மி ராமகிருஷ்ணன் தன்னிடம் ரூ. 1.25 கோடி கேட்படதாக வனிதா தெரிவித்தார். மேலும் லக்ஷ்மி ராமகிருஷ்ணனுக்கு பதிலுக்கு வக்கீல் நோட்டீஸ் அனுப்பப் போவதாக வனிதா கூறினார். இந்நிலையில் லக்ஷ்மி ராமகிருஷ்ணனுக்கு தான் வக்கீல் நோட்டீஸ் அனுப்பி வைத்துள்ளதாக வனிதா ட்வீட் செய்துள்ளார். மேலும் அந்த நோட்டீஸின் புகைப்படத்தையும் வெளியிட்டுள்ளார் வனிதா.

இந்நிலையில் கஸ்தூரியோ, டியர் லக்ஷ்மி ராமகிருஷ்ணன் மேடம், வனிதா உங்களுக்கு வக்கீல் நோட்டீஸ் அனுப்பி வைத்துள்ளதாக ட்விட்டரை பயன்படுத்துபவர்கள் மூலம் தெரிந்து கொண்டேன். நோட்டீஸ் வந்ததா மேடம் என்று கேட்டு ட்வீட் செய்தார்.

கஸ்தூரியின் ட்வீட்டை பார்த்த சமூக வலைதளவாசிகளோ, இதை ட்விட்டரில் தான் கேட்க வேண்டுமா. லக்ஷ்மி ராமகிருஷ்ணனுக்கு ஒரு போன் போட்டு கேட்டிருக்கலாமே. ஏன் இந்த டிராமா என்று கேட்டார்கள். அதற்கு கஸ்தூரி கூறியதாவது,

இரண்டு வாரங்களுக்கு முன்பு என் மீது காவல் நிலையத்தில் புகார் அளித்திருப்பதாக வனிதா கூறினார். ஆனால் இதுவரை யாரும் அந்த புகார் குறித்து என்னை தொடர்பு கொள்ளவில்லை. அதனால் தான் தற்போது ட்விட்டரில் லக்ஷ்மி ராமகிருஷ்ணனிடம் கேட்டேன் என்றார்.

கஸ்தூரி மேலும் கூறியதாவது,

நான் ஏன் இதை ட்விட்டரில் கேட்கிறேன் என்று சிலர் என்னிடம் கேட்கிறார்கள். ஏனென்றால் நான் இதை ட்விட்டரில் தான் பார்த்தேன். பப்ளிக்காக போஸ்ட் செய்யும் போது அது குறித்து பப்ளிக்கில் தான் விவாதிக்க வேண்டும். லக்ஷ்மி மேடம் பதில் அளித்துவிட்டார்கள். அவருக்கு எந்த நோட்டீஸும் வரவில்லை என்றார்.

நம்மை பற்றியும், நமக்கான வக்கீல் நோட்டீஸுகள், போலீஸ் புகார்கள் பற்றியும் ட்வீட்டுகள், யூடியூப் பேட்டிகள் மூலம் தான் தெரிந்து கொள்ள வேண்டும் போன்று. ஆனால் அதை நான் சமூக வலைதளத்தில் விவாதித்தால் மட்டும் பிரச்சனையா?. நல்லா சொம்பு தூக்குறீங்க மக்கா. இதற்காக உங்களுக்கு நல்ல சம்பளம் கிடைக்கிறது என்று நம்புகிறேன் என்றார்.

கஸ்தூரியின் ட்வீட்டை பார்த்த ஒருவர், நீங்கள் மீரா மிதுன் போன்று எரிச்சலை கிளப்புகிறீர்கள். குடித்துவிட்டு ட்வீட் செய்வதை நிறுத்துங்கள் என்றார். அதற்கு கஸ்தூரியோ, கண்ணாடியுடன் பேசுவதை தவிர்க்கவும் என்றார்.

கஸ்தூரியின் ஆதரவாளர்கள் கூறியிருப்பதாவது,

வனிதாவை இதற்கு மேல் டீசென்டாக கலாய்க்க முடியாது. கஸ்தூரிக்கா கூறுவது போன்று புகார் அளித்தாலும், நோட்டீஸ் அனுப்பினாலும் அதை ட்விட்டரில் தானே வனிதா முதலில் தெரிவிக்கிறார். அப்படி இருக்கும் போது அது குறித்து கஸ்தூரி ட்வீட் செய்தால் மட்டும் கேள்வி கேட்பது தவறு என்று தெரிவித்துள்ளனர்.